احنا مين

 أسفلت هما الغلابة ابراهيم فاروق و  محمد جاد.
يعني مصر في الراب و الهيب هوب أو  (بمعنى أصحّ) الراب و الهيب هوب في مصر.

سنة ٢٠٠٥ شهدت تسونامي أسفلت في أرض مزيكة الهيب هوب و الاندرجراوند و كانت سنة دخولهم الرسمية.

في سرعة السلحفاه انتشر ال”أسفلت ستايل” (هوب هوب هوب!): في مزيكتهم..حكايات مصر و شوارعها، سحر الفراعنة و مشاكله، سياسة الحياة و ثقافتها.

اسفلت بقوا واقع (إسود): حفلات لايف و اعلانات  مختلفة. سهل جدا تشوف وشوشهم (البيييييب!) في برامج على التليفزيون والراديو و على كوبري ٦ أكتوبر.

 

لمسة أسفلتاوية” كبيرة… رحلة كاملة في المزيكة… تجربة مرئية جديدة للجمهور اللي بيغطس في متاهة مليانة بكلام و اداوات موسيقية، أصوات و راب، بيت ـ بوكسينج ورقص.

 

تملي موجدين (و كلنا مستغربين)، أسفلت عايزين صوتهم يوصل للعالم كله و لو  السلحفاة هتكمّل تعيش، هما هيحتلوا الدنيا و هم عندهم ستين سنة! و في ستين داهيـ….

 

 

 

 
  اللامؤخذه الاعضاء:

 

 

ابراهيم فاروق

 ابراهيم ابتدا الفريق سنة 2005 مع محمد ياسر و بعدين دخل معاهم ايهاب عادل. , و زى ما بيقولوا, من اولها كده و ابراهيم “العاطل” مركز مع اسفلت اخر حاجة عشان يجدد و يطور و يزحف و ينتشر و يتوغل و كلام من ده.

بالاضافة لكدة..لبس ابراهيم و حراكته الغريبة (هو غريب فعلا) خلى لأسفلت شكل منفرد و مختلف.

 

 

 

محمد جاد

جاد اخر واحد دخل اسفلت فى اواخر 2005 او بدايات 2006, اسلوب جاد فى الكتابة و الراب ساعد الفريق انه يكون عنده اسلوب مميز. جاد من زمان و هو برّانى و اشتغل فى اعمال مشتركة مع ناس مختلفة فى الهيب هوب زى فريق عدم الانحياز.


 لو عايز اسفلت فى حفلة كلم :

نور الدين على.

01005484105

 
 

حفلات اسفلت بيكون فيها:

  • شعر.
  • رقص.
  • دى جي.
  • الاّت موسيقية.
  • موسيقى العزف بالفم.

 

 

فيسبوك

تويتر(كلام العصفورة)